Нийслэлд МАН олонхи болсноос хойш нойргүй хонож байгаа хүмүүс цөөн биш. Нойр хугаслалт ялалтандаа хөөрч догдолсон гэхээсээ илүүтэй Хотын даргаар хэнийг сонгох бол гэх хорхойссон бодолтой н холбоотой ажээ. МАН-ын дарга У.Хүрэлсүх, нийслэлд намаа толгойлогч Д.Сумъяабазар нар өөд өөдөөсөө хараад инээж байвч цааш харангуутаа өөрийн хүнээр нийслэлийг толгойлуулах гэсэн бодолдоо хөтлөгдөж, нууцхан уулзалтууд хийж яваа нь бодит үнэн. Гэхдээ МАН-ын дарга У.Хүрэлсүхийн хувьд генсек Д.Амарбаясгалангаар Улаанбаатар хотыг удирдуулахаас өөр оновчтой хувилбар байхгүй. Д.Амарбаясгалан МАН-ын генсекээр томилогдон ажилласнаасаа хойш МАН-ын олон бараан баримт, хэл үгний эсрэг зогсч чадсан. Намаа ч, гишүүнээ ч гэсэн сэтгэл түүнд байдаг талаар МАН-даа гомдогсод дотроос хүртэл ярьж байхыг сонсч л байлаа. Энэ оны хоёр удаагийн сонгуулийн ялалтыг Д.Амарбаясгалангаас холдуулж, салгаж үнэлэх боломж даанч байхгүй.
МАН-ын Удирдах зөвлөлийн хурлаас хэний нэрийг Хотын даргад дэвшүүлэх бол гэсэн хүлээлт өнөөдрийн үйл явдлуудаас хамгийн содон бөгөөд хамгийн ач холбогдолтой нь билээ.
Одоогоос дөрвөн жилийн өмнө 2016 оны УИХ-ын сонгуульд үнэмлэхүй ялалт байгуулсны дараа арванхоёрдугаар сард МАН Бага хурлаа хийж, сонгуулийн үр дүнгээ хэлэлцэн Д.Амарбаясгаланг МАН-ын ерөнхий нарийн бичгийн даргаар сонгож байсныг санаж байна. Үүнээс өмнө УИХ-ын гишүүн Ж.Мөнхбат МАН-ын ерөнхий нарийн бичгийн даргаар ажилласан. Тэрбээр УИХ-ын гишүүн, Засгийн газрын гишүүнээр сонгогдон ажиллах болсон учраас намын “гал тогоо”-г Д.Амарбаясгаланд шилжиж ирсэн юм. Тэрбээр 2008 оноос хойш Нийслэлийн Иргэдийн төлөөлөгчдийн хурлын тэргүүлэгч, МАН-ын бүлгийн дарга, 2013 онд У.Хүрэлсүхийн тэргүүлдэг Зүүний хүчний холбооны холбооны Удирдах зөвлөлийн гишүүн, 2010 онд Нийгмийн Ардчилал Монголын залуучуудын холбооны дэд ерөнхийлөгчөөр тус, тус сонгогдон ажиллаж байсан юм.
0 Сэтгэгдэл