САЙЖРУУЛСАН ШАХМАЛ ТҮЛШНИЙ НӨӨЦ БҮРДҮҮЛЭХ АГУУЛАХ ТҮРЭЭСЛЭНЭ

Нийгэм, Эдийн засаг
2024-03-18 | 12:53:00 172

Нийслэлийн Агаар, орчны бохирдолтой тэмцэх газраас сайжруулсан шахмал түлшний нөөц бүрдүүлэх агуулах түрээслэх тул агуулахаа түрээслэх хүсэлтэй иргэн, аж ахуйн нэгж, байгууллагыг урьж байна. !

Сонирхсон этгээд холбогдох мэдээллийг 2024 оны 03 дугаар сарын 29-ний өдрийн 17:00 цагаас өмнө Нийслэлийн үйлчилгээний нэгдсэн төв (Мишээл салбар, Дүнжингарав салбар, Драгон салбар, Оргил салбар)-үүд болон www.smartoffice.mn хаягаар эсхүл Улаанбаатар хот, Хан-Уул дүүрэг, 4 дүгээр хороо, Наадамчдын зам-1200, Нийслэлийн Засаг захиргааны Шинэ Хангарди ордон, 1 дүгээр давхар,

Утас 11314876, Нийслэлийн Агаар, Орчны бохирдолтой тэмцэх газар, 1-5 тоот хаягаар ирүүлнэ үү.

САЙЖРУУЛСАН ШАХМАЛ ТҮЛШНИЙ НӨӨЦИЙН АГУУЛАХАД  ТАВИГДАХ ШААРДЛАГА

№

Ерөнхий шаардлага

Тавигдах шаардлага

1

Агуулахын байршил

- Баянгол, Баянзүрх, Сонгинохайрхан, Хан-Уул, Сүхбаатар, Налайх дүүргийн нутаг дэвсгэрт байрлалтай байна.

2

Иргэн, аж ахуйн нэгж, байгууллага

- Иргэн, аж ахуйн нэгж, байгууллага нь НӨАТ төлөгч байна

3

Гэрээний хугацаа

- Сайжруулсан шахмал түлшийг агуулахад нөөцөлсөн өдрөөс 2024 оны 12 дугаар сарын 31-ний өдрийг хүртэл байна.

4

Талбайн хэмжээ

- 500 м2-аас доошгүй байна.

5

Сайжруулсан шахмал түлш нөөцлөх агуулахад тавигдах шаардлага

- Агуулахын хана, шал, хаалга, дээврээс ус нэвтэрдэггүй байна.

- Ачааны машинаар тээвэрлэлт хийхэд орц, гарц саадгүй, хаалганы өндөр нь 4 метр, өргөн нь 3,5 метрээс доошгүй байна.

- Агуулахын гадна болон дотор, хана, дээвэр, шал, гэрэлтүүлэг, камержуулалт, агаарын солилцоо хийгддэг цонх, агааржуулалтын систем, галын булангийн фото зургуудыг санал болгож буй агуулахын орчныг оруулан авч ирүүлнэ.

- Зөвхөн агуулах эзэмшигчтэй гэрээг байгуулах бөгөөд хэрэв итгэмжлэгдсэн төлөөлөгчөөр дамжуулан гэрээ байгуулах тохиолдолд нотлох баримтыг үндэслэн гэрээ байгуулна.

- Агуулах нь стандартын шаардлага хангасан галын булан болон галын дохиолол суурилуулсан байх бөгөөд мэргэжлийн байгууллагын галын аюулгүй байдлын дүгнэлттэй байна.

-  Агуулах нь гэрэлтүүлэгтэй байна.

- Агуулахад түлш хүлээн авах, гарах үед нийслэлийн хяналт зохицуулалтын ажилтан болон Таван толгой түлш ХХК-ийн нярав нарын ажиллах нөхцөлийг хангасан ажлын өрөө тасалгаа, зөөврийн сууцыг шийдсэн байна. Ажлын байрны цахилгааныг бүрэн шийдсэн байна.

- Агуулах нь газрын гэрчилгээтэй байх ба үл хөдлөхийн гэрчилгээгүй бол эрх бүхий байгууллагын м2-ын хэмжилт хийсэн тодорхойлолтыг хавсаргаж ирүүлнэ.

6

Үнийн санал

- Түрээслүүлэхээр санал болгож буй агуулахын м2-ын үнэ нь 8,000 төгрөгөөс хэтрэхгүй байна.

7

Харуул хамгаалалт

-Агуулахын харуул хамгаалалтыг камержуулалт болон бусад хэлбэрээр шийдвэрлэсэн байна.