Онцгой байдлын алба хаагчид хэрэг зөрчил гаргажээ

Эрэн сурвалжлах
2020-08-27 | 8:01:08 1
Онцгойн алба хаагчид онц байдлын үеэр насанд хүрээгүй охидтой архидаж, осолдон нэг нь амиа алджээ Тодруулбал, Булган аймгийн Онцгой байдлын албаны хаагч Б.Э, А.Л нар долдугаар сарын 30-нд аймгийнхаа дунд сургуулийн 11 дүгээр ангийн 16, 17 настай охидтой архидан, согтуурчээ.
Ингэхдээ тэд автомашинтай явсан бөгөөд мөн сургуулийн сурагч, 15 настай Б.Н-тай таарч авч явсан байна. Согтууруулах ундааны зүйл хэрэглэсэн үедээ автомашин жолоодож, зам тээврийн осол гаргасны улмаас 15 настай Б.Н амиа алдаж, бусад нь нийслэлд ГССҮТ-д эмчлүүлж байгаа аж. Гэхдээ тухайн үед жолоо барьж явсан А.Л-ийн биеийн байдал харьцангуй гайгүй учраас эмнэлэгт хэвтээгүй яваа. Энэ асуудлыг Онцгой байдлын албаныхан ихэд нууцалж, бүр цагдаагийн байгууллагын жижүүрийн мэдээнээс ч дуудлагын мэдээллийг нь устгуулсан байна.