Монгол Улсаас Япон Улсад суугаа Онц бөгөөд Бүрэн эрхт Элчин сайд Д.Батжаргал Япон Улс дахь Монгол судлалын нийгэмлэгийн шинэ тэргүүнээр ирэх сараас ажиллах Япон Улс дахь Монгол судлалын нийгэмлэгийн шинэ тэргүүнээр ирэх сараас ажиллах Японы Шинжлэх ухааныг хөгжүүлэх нийгэмлэгийн тэргүүн, монголч эрдэмтэн Ю.Конагаяг энэ сарын 17-ны өдөр ЭСЯ-нд хүлээн авч уулзаж, тус нийгэмлэгийн цаашдын үйл ажиллагааны талаар санал солилцов.

Монголч эрдэмтэн Ю.Конагая Япон Улс дахь Монгол судлалын цаашдын хөгжилд орчин үеийн монгол судлалын чиглэлийг түлхүү хөгжүүлэх чиглэлд голлон анхаарч ажиллах бодолтой байгаа тухайгаа тэмдэглэж, тус нийгэмлэгийн үйл ажиллагааг цаашид Монгол Улсын Засгийн газар, Монгол судлалын үндэсний зөвлөл, ЭСЯ-тай сайтар уялдуулан ажиллах эрмэлзэлтэй буйгаа илэрхийлэв.

Элчин сайд Д.Батжаргал Япон Улс дахь Монгол судлалын нийгэмлэгийн тэргүүнээр томилогдож буй Монголч эрдэмтэн Ю.Конагаяд ажлын амжилт хүсч, тус нийгэмлэгийн үйл ажиллагааг бүх талаар дэмжин ажиллах болно гэдгээ цохон тэмдэглэв.