ОЛОН УЛСЫН СТАНДАРТЫГ ХЭРЭГЖҮҮЛЭГЧ “ШИНЬ ШИНЬ” КОМПАНИ

Нийгэм, Эдийн засаг
2024-08-04 | 15:02:00 41

“Шинь Шинь” ХХК  нь 2004 оны тавдугаар  сард байгуулагдан, Дорнод аймгийн Дашбалбар сумын нутаг дэвсгэрт Улааны холимог металлын ордыг түшиглэн хүдэр олборлон, хар тугалга, цайрын баяжмал гаргах үйл ажиллагаа эрхэлж байгаа. Тэд шинэ технологи нэвтрүүлж, түүнийгээ нутагшуулж, анхдагч байж чаддаг. Тухайлбал,  хаягдлын далан дээрээ усны түвшинг хэмжих буюу газар доорхи усны даралт, шүүрэл гээд бүхий зүйлийг хянах системийг монголд анхлан  нэвтрүүлж, нутагшуулсан гэдгийг дахин хэлмээр байна. Мөн хаягдлын далан дахь усаа эргүүлэн ашиглаж, цэвэр ус хэмнэж, байгаль орчинд ээлтэй байх зарчмыг баримталсаар ирсэн. Нийгмийн хариуцлагын хүрээнд орон нутгийн хөгжил, боловсрол, эрүүл мэнд, автозам, үндсэн бүтээн байгуулалт гээд нэлээд асуудалд  анхаарлаа хандуулсаар ирсэн.

Өнөө цагийн уул уурхайн салбарт үйл ажиллагаа, техник технологиороо манлайлан түүчээлж буй тус компани ISO стандартыг үйл ажиллагаандаахоёрыг зэрэг нэвтрүүлж, олон улсын стандартыг хэрэгжүүлэгч хамт олон боллоо. Олон улсын чанарын магадлан итгэмжлэл Чанарын менежментийн тогтолцоо ISO 9001:2015  болон Хөдөлмөрийн аюулгүй байдал эрүүл ахуйн менежментийн тогтолцоо ISO 45001:2018 стандартыг үйл ажиллагаандаа амжилттай нэвтрүүлж, Монгол улсын “МонСертф” ХХК болон Бүгд Найрамдах Франц Улсын Афнор группээс олон улсад хүлээн зөвшөөрөгдөх  баталгаажуулалтын  гэрчилгээгээ гардан авлаа. 

Олон улсын итгэмжлэгдсэн “Монсертф” тохирлын үнэлгээний байгууллагаар итгэмжлүүлэн, стандартын шаардлагыг хэрэгжүүлэгч байгууллага болж, баталгаажилтын гэрчилгээ авснаар  Монгол улсын уул уурхайн салбарын холбогдох хууль тогтоомж, стандартад нийцсэн үйл ажиллагааг тогтвортой явуулж, ОУ-ын стандартын шаардлага хангасан чанартай, найдвартай бүтээгдэхүүн, үйлчилгээг хэрэглэгч, харилцагчиддаа  хүргэх томоос том хариуцлагын эзэд болж байна.

Баталгаажуулалтын гэрчилгээ гардуулах ёслолын арга хэмжээний үеэр

Сун Гүй Мин: Бид цаг ямагт хөдөлмөрийн аюулгүй байдал, үйлдвэрлэлийн аюулгүй ажиллагаа, эрүүл аюулгүй ажиллах шаардлагыг хангаж ажилласаар ирсэн

/Шинь Шинь ХХК-ийн Ерөнхий захирал/

  -Манай компани Чанарын менежментийн тогтолцоо ISO 9001:2015 болон Хөдөлмөрийн аюулгүй байдал эрүүл ахуйн менежментийн тогтолцоо ISO 45001:2018 стандартыг нэвтрүүлээд гэрчилгээгээ гардан авлаа.  Компанийн засаглал, компанийн үйл ажиллагааны менежментийг сайжруулах нь энэ стандартыг нэвтрүүлэх анхны зорилго байлаа, өнөөдөр тэр зорилгоо биелүүлж чадлаа.

  Өөрөөр хэлбэл компанийн менежментийг программчлах, бүх зүйлийг  хууль, дүрэм журмын  дагуу  байлгах явдал юм. Бид цаг ямагт хөдөлмөрийн аюулгүй байдал/ХАБ/, үйлдвэрлэлийн аюулгүй ажиллагаа, эрүүл аюулгүй таатай орчинд ажиллах шаардлагыг хангаж ажилласаар ирсэн. Үүнийгээ улам сайжруулан, шаардлага, норм нормативээ биелүүлэн ажиллах болно. Эрсдэл үүсгэхгүйн тулд эхний ээлжинд ажилчдынхаа аюулгүй ажиллагааны талаарх мэдлэгийг сайжруулах, нөгөөтэйгүүр аюулгүй ажиллагааг хангах, бэхжүүлэх тухайд тогтмол хөрөнгө оруулалт хийсээр байгаа. Тухайлбал, хяналтын тоног төхөөрөмжөө сайжруулах, шинэ техник технологи нэвтрүүлэх гээд.

  Бид олон улсын стандарт хангасан байгууллага хамт олон болж, түүнийг гэрчилсэн энэ гэрчилгээг авахын тулд хамт олноороо бүгд дор бүрнээ, шат шатандаа хичээнгүйлэн ажиллаж, түүний үр дүнд зорьсон зорилгоо биелүүлж чадлаа. Тиймээс хамт олондоо баярласнаа илэрхийлье. Энэ гэрчилгээг гардан авснаар нэг талаар нэр төрийн хэрэг боловч нөгөө талаараа нийгмийнхээ өмнө асар их хариуцлага хүлээж байна гэж харж байгаа. Тиймээс энэ их нэр хүнд, хариуцлагаа сэвтүүлэхгүй байхын төлөө бүгд хичээн ажиллах ёстой.

  Монгол Улс хөдөлмөрийн аюулгүй байдал, аюулгүй ажиллагааны норм норматив, стандарт, хууль дүрэм, журмыг маш сайн мөрдөж ажилладаг гэж бодож байна. Төрийн байгууллагууд нь ч үйлдвэрлэлийн аюулгүй байдлын тал дээр тогтмол хяналт тавьж ажилладаг. Түүнчлэн нийгмийн талаасаа ч хяналт сайтай. Компанийн хувьд нийт ажилчиддаа ХАБ-ын норм, дүрэм гээд бүх тал дээр тогтмол сургалт, семинар орж, тасралтгүй зааж сургадаг тогтсон уламжлал бий. Тэр хэрээрээ манай ажилчид ХАБ-ын тухайд нэлээд мэдлэгтэй, түүнийгээ ч сайн дагаж мөрддөг гэдгийг хэлэх нь зөв байх.

  Цаашид бид бүтээгдэхүүний чанарыг улам нэмэгдүүлэн дээшлүүлж, Олон улсын түвшинд хүргэх зорилгоор өөрсдийн олон жилийн амжилт, ажлын туршлага, шинэ бүтээлч санаачлага, ур чадвар дээр үндэслэн Байгаль орчны менежментийн тогтолцоо ISO 14001:2015 стандартыг нэвтрүүлэхээр зорин, ажлаа эхлүүлээд байна.Үргэлж манлайлагч, түүчээлэгч байж, олон улсын чанарын тогтолцоог нэвтрүүлж чадсан хамт олноороо бахархаж байна. 

Г.Билгүүн: Шинь Шинь компани олон улсын тогтолцоог үйл ажиллагаандаа нэвтрүүлж чадлаа

/МонСертф ХХК-ийн Ерөнхий захирал/

Манай компанийн тухайд Монгол Улсны анхны хувийн хэвшлийн баталгаажуулалтын байгууллагуудын нэг бөгөөд олон улсад итгэмжлэгдсэн цорын ганц компани юм. Монсертф Тохирлын үнэлгээний байгууллага нь найм дахь жилдээ баталгаажуулалтын үйл ажиллагааг эрхэлж байна. Өдгөө 400 гаруй ААН, байгууллагад ISO 9001:2015 Чанар, ISO 14001:2015 Байгаль орчин, ISO 22000:2018 Хүнсний аюулгүй байдал болон ISO 45001:2018 Хөдөлмөрийн эрүүл мэнд, аюулгүй байдлын менежментийн тогтолцооны 600 гаруй баталгаажуулалтын гэрчилгээг олгоод байна.

Мөн Монсертф компаний дэлхийн нэр хүнд бүхий баталгаажуулалтын байгууллагуудтай харилцан хүлээн зөвшөөрөх гэрээг байгуулан ажиллаж байна. Франц Улсын баталгаажуулалтын байгууллага болох Афнор групп болон бусад баталгаажуулалтыг хийх боломжтой, эрхтэй.

Аливаа байгууллага тогтолцоотой, хүн нь ур чадвартай, бүтээгдэхүүн үйлчилгээ нь баталгаатай байх ёстой.

Шинь Шинь компанийн тухайд Чанарын менежментийн тогтолцоо ISO 9001:2015  болон Хөдөлмөрийн аюулгүй байдал эрүүл ахуйн менежментийн тогтолцоо ISO 45001:2018 гэсэн хоёр стандартыг нэвтрүүлсэн байна. Баталгаажуулалтын гэрчилгээ авснаар, тухайн байгууллагын менежментийн стандарттай холбоотой бүтээгдэхүүн үйлчилгээ нь чанартай мөн ажилчдынхаа эрүүл мэнд, аюулгүй ажиллагаан дээр анхаардаг гэдэг нь нотлогдож байгаа юм.

Тэд уг стандартыг эзэмшигч болохын тулд нэлээд ажил хийсэн төдийгүй хөндлөнгийн зөвлөх үйлчилгээг авсан байна. Түүнчлэн бүх ажилтан, албан хаагчдаа сургасан, бүх бичиг баримтаа олон улсын стандартын дагуу бэлтгэсэн байна. Тус компанид ажиллаж байгаа ажилтнууд өөрсдийн эрүүл мэнд, аюулгүй байдалд бүхэн  итгэж болохоос гадна чанарын менежмент нэвтрүүлсэн учраас бүтээгдэхүүн үйлчилгээ нь чанартай гэж итгэж,  ойлгож болно. Түүнийгээ ч баталгаажууллаа. Гэрчилгээ гурван жилээр олгогддог, түүний дараа уг компанийн өөрийнх нь байгууллагын соёл, стандарт нь тогтоно гэж харж байна. Тиймийн тулд тухайн байгууллага жил бүр магадландаа сайн хамрагдах хэрэгтэй. Тэгж байж өөрийн стандартыг тогтооно.

Жишээлбэл, Оюутолгой  гэхэд 2016 онд бүх ISO стандартаа нэвтрүүлсэн. Харин өнөөдөр тэд  ISO стандарт ярихаа болиод ОТ стандарт ярьдаг болсон. Түүнтэй л адил энэ компани ч тийм болох байх, тэгээд ч толгой компани нь өөрөө өндөр стандарттай юм билээ. ISO стандарт нэвтрүүлдэг энэ жишиг Монгол Улс даяар өрнөөсэй гэж би хүсч байна, учир нь толгой компанийн стандартыг шууд нутагшуулахад хэцүү байдаг, тогтолцоо нь унадаг. Ямартаа ч Шинь Шинь компани олон улсын тогтолцоог үйл ажиллагаандаа нэвтрүүлж чадлаа.