Ерөнхийлөгчийн хэвлэлийн төлөөлөгчөөр О.Батхандыг томилжээ. О.Батханд нь Москвагийн нэрэмжит 33 дугаар дунд сургууль, Үндэсний Тагнуулын Академийг эрхзүйч, Хүмүүнлэгийн Ухааны Их Сургуулийг Олон Улсын сэтгүүлчээр төгссөн туршлагатай. Мөн АНУ-ын Калифорнийн болон Харвардад мэргэжил дээшлүүлсэн, сэтгүүлзүйн салбарт танигдсан хүн. Түүний хувьд ажлын гараагаа ТВ-9 телевизээс эхлүүлж, гадаад мэдээний редактор, сэтгүүлч, Гадаад харилцааны албаны дарга, УИХ-ын Тамгын Газрын Хэвлэл мэдээлэл, олон нийттэй харилцах хэлтэст сэтгүүлч, редактор, ETV HD телевизийн захирал “NTV Медиа групп”-ын Медиа хариуцсан захирлаар ажиллаж байгаад 2014- 2016 онд Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсийн дарга, УИХ-ын даргын хэвлэлийн төлөөлөгчөөр томилогдож байв. Харин 2016 оноос “НVС” ХХК-ийн гүйцэтгэх захирлаар ажиллаж байгаад Ардчилсан намын Хэвлэл мэдээлэл, олон нийттэй харилцах газрын дарга болжээ. Түүний хувьд энэ удаагийн сонгуульд Говь-Алтай аймагт АН-аас нэр дэвшин өрсөлдсөн байдаг.
0 Сэтгэгдэл