Уламжлалт анагаах ухааны тусамж үйлчилгээний чанар, аюулгүй байдал  сэдэвт сургалт болов

Бусад

Эрүүл мэндийн сайдын А/136 дугаар тушаалаар 2022 оныг “Эрүүл мэндийн тусламж, үйлчилгээний чанар, аюулгүй байдлыг сайжруулах жил” болгон зарлаж, 2022-2025 онд эрүүл мэндийн тусламж үйлчилгээний чанар аюулгүй байдлыг сайжруулах төлөвлөгөөг батлан хэрэгжүүлж байгаа билээ. Энэхүү зорилтот жилийн хүрээнд уламжлалт анагаах ухааны тусламж, үйлчилгээ үзүүлдэг төр, хувийн хэвшлийн эрүүл мэндийн байгууллагын чанарын удирдлагын багийн чадварыг сайжруулах зорилгоор чанарын удирдлагын бодлого, тогтолцоо, тусламж, үйлчилгээ,үйлчлүүлэгчийн аюулгүй байдал, эрсдэл, тохиолдлын бүртгэл, хариу арга хэмжээ, халдварын сэргийлэлтийн талаарх агуулга бүхий хоёр өдрийн сургалтыг Эрүүл мэндийн яам, Эрүүл мэндийн хөгжлийн төв хамтран зохион байгуулж байна.Тус сургалтанд уламжлалт анагаах ухааны тусламж үйлчилгээг дагнан үзүүлдэг уламжлалт анагаах ухааны технологийн хүрээлэн, АШУҮИС-ийн монгол ухааны олон улсын эмнэлэг, Мамба дацан эмнэлэг, Завхан, Говь-Алтай Сүхбаатар аймгийн уламжлалт анагаах ухааны нэгдсэн эмнэлэг болон хувийн хэвшлийн 40 гаруй эмнэлгийн удирдлага, чанарын албаны мэргэжилтнүүд оролцлоо.