Төрсөн эхчүүдэд хөхөнд сүү сайн оруулдаг, таргалуулдаггүй хоол санал болгож байна.

ГҮЗЭЭНИЙ САЛАТ Монголчууд үхрийн гүзээгээр салат хийж, гүзээтэй шөлөөр настан буурлуудаа дайлж, тамир тэнхээг нь сэлбэдэг юм. Мөн хөхүүл эхчүүдэд сүү сайн оруулдаг шидтэй юм. Бид гүзээгээр амтат салат хийх жорыг танилцуулж байна. Та туршаад үзээрэй. 

Орц: -Үхрийн гүзээ/Бог малынх ч байж болно/ -Ногоон огурцы эсвэл дарсан огурцы -Лууван -Улаан сонгино эсвэл ногоон сонгино -Гүнжидийн тос -Гүнжидийн үр -Соя соус -Нунтаг хар Перц

Хийх арга: Үхрийн гүзээгээ сайтар угааж цэвэрлээд битүү чанагчид 30 минут (битүү чанагч байхгүй бол зөөлөн гал дээр таглаатай саванд 1 цаг 30 минут чанана) болгоод, хөргөөд, нарийн савхан хэлбэртэй хэрчинэ. Огурцы, лууван, сонгиноо нарийн савхан хэлбэртэй хэрчээд бүх орцоо холиод соя соус, перц, гүнжидийн тосоор амталж сайтар хутгаад гүнжидийн үр цацна. Хүсвэл хар перцний оронд хатааж нүдсэн халуун улаан чинжүүний үйрмэг хийж болно.