Японы анимэ бүтээгч Ёшиюки Томиногийн 1979 онд дэлгэцэнд гаргаж байсан цувралын гол дүр Гундамыг бодит хэмжээгээр нь бүтээж байгаа билээ. Цар тахлаас болж, барилгын зарим ажил хойшлогдож, саатсан ч Гундам бүтээгдэж дуусахад тун ойртжээ.

Робот нийт 25 тонн, 18.2 метр өндөртэй, гар нь дангаараа 590кг жинтэй гэнэ. Барилгын ажлын үйл явцыг тайлагнадаг сувгийн танилцуулсан бичлэгээс харвал Гундам биеийн дээд хэсгээ хөдөлгөж, хөлөө өргөж  чаддаг болжээ.

Роботын нээлтийг долдугаар сард төлөвлөж байсан ч цар тахлаас болоод энэ оны аравдугаар сард болгон хойшлуулсан байна.