Бүгд Найрамдах Киргиз Улсын Засгийн газар коронавируст халдвар цар тахлын үеийн зорчих хөдөлгөөний хязгаарлалтаа 2022 оны дөрөвдүгээр сарын 30-ны өдрөөр тасалбар болгон цуцалснаар тус улс руу зорчих гадаадын иргэд коронавируст халдварын эсрэг вакцинд хамрагдсан байх, PCR  шинжилгээ өгсөн байх шаардлагаас чөлөөлөгдөв. Түүнчлэн Бүгд Найрамдах Австри Улс коронавируст халдвар цар тахлын үеийн зорчих хөдөлгөөний зохицуулалтад 2022 оны тавдугаар сарын 13-ны өдөр нэмэлт өөрчлөлт оруулж, тус улсад зорчих гадаадын иргэд 3G буюу коронавируст халдварын эсрэг вакцинд хамрагдсан байх, коронавируст халдвараар өвдөөд эдгэснээ нотлох, PCR шинжилгээний “сөрөг” хариутай байх шаардлагаас чөлөөлөгдөв.