Улсын онцгой комиссын Шуурхай штабаас мэдээлэл хийж, тусгай үүргийн онгоц нисгэх хуваарьт өөрчлөлт оруулсныг дуулгалаа. Тодруулбал, энэ сарын 30-нд БНСУ-руу илгээх онгоцоор тус улсад транзит нислэгээр очсон иргэдийг хүлээн авна. Харин тавдугаар сарын 1-ний нислэгээр БНСУ-д түр хугацаагаар ажиллаж, амьдарч, сурч, эмчлүүлж буй иргэдийг авахаар болжээ. Учир нь БНСУ-ын Инчоны нисэх боомтод транзитаар зорчин ирж буй иргэд болон тус улсаас эх орондоо ирэхээр зэхэж буй иргэдийг хамтад нь тээвэрлэж авч ирэхгүйн тулд дээрх арга хэмжээг авч байгаа ажээ.