Oлон улсад ухаалаг гар утасны нийлүүлэлт I улиралд хоёр оронтой тоо буюу дээд дүнгээр буурлаа. “COVID-19” цар тахал технологийн салбарын хамгийн чухал сегментийн хэрэглээ болон үйлдвэрлэлд сөргөөр нөлөөлснийг шинэ тайлангаас харж болохоор байна.

Тухайлбал: оны эхний гурван сард нийт нийлүүлэлт 275 сая хүрсэн гэж зах зээлийн судалгааны “Strategy Analytics” болон “IDC” мэдээлж байна. Энэ нь 2019 оны мөн үеэс 11-17 хувиар буурсан үзүүлэлт болж байгаа юм. “Нийлүүлэлт талын нөлөө БНХАУ-ын өсөлтийг хойш татаж, эдийн засагт нь уналт авчирсан. Харин эрэлт талын нөлөө нь энэ улирлын эцсээр мэдрэгдэж эхэлнэ” гэж “IDC”-ийн Судалгаа хариуцсан захирал мэдэгджээ.