Төв банкнаас 9, 10 дугаар сард 58 тэрбум төгрөгийг ипотекийн зээлд хуваарьласан бөгөөд үүнээс есдүгээр сард 37,2 тэрбум төгрөгөөр ипотекийн зээлийг санхүүжүүлжээ.

Засгийн газар, Монголбанк хамтран орон сууцны ипотекийн зээлийн хөтөлбөрийг 2013 оноос хэрэгжүүлж, нийт 5 их наяд орчим төгрөгийн санхүүжилтийг 88 мянга гаруй өрхөд олгосон. Үүнээс 24 мянга гаруй өрх гэр хорооллоос орон сууцанд орж, 15 мянга гаруй өрх орон нутагт ипотекийн зээлд хамрагджээ.