БААВГАЙТАЙ ТУЛАЛДАЖ, ШАРХАДСАН БОКСЧНЫ ЗАРДЛЫГ АИБА ТӨЛНӨ

Соёл урлаг, Спорт

ОХУ-ын боксчин Илья Медведев зэрлэг баавгайтайтулалдаж”, хүнд шархадсан байна.

Энэ сарын 19-нд Илья хоёр найзынхаа хамт загасанд явжээ. Иртыш голын ойролцоо тэдэн рүү баавгай дайрч, нэгийг нь барьж, ноцсон байна. Боксчин баавгайд даруулсан ч тэмцсээр хутгалан, алж чадсан байна. Харин нэг нөхөр нь амиа алдаж, Илья одоо сэхээн амьдруулах тасагт эмчлүүлж байна.

23 настай Илья Медведев спортын мастер цолтой. 2019 оны долоодугаар сард ОХУ-ын Зэвсэгт хүчний АШТ-д 64 кг-ын жинд түрүүлсэн.

Олон улсын сонирхогчдын боксын холбооны (AIBA) ерөнхийлөгч Умар КремлёвИлья Медведевийн эмчилгээний зардлыг AIBA бүрэн хариуцна. Бид гэрбүлтэй нь холбоо барьж, санхүүгийн дэмжлэг үзүүлэхээ хэлсэн. Илья хүнд нөхцөлд жинхэнэ боксчин хүний авхаалж самбаа, эрэлхэг зоригийг харуулж чадсангэж мэдэгдлээ.